مصر هتفضل ...
شعر : حسن الجيار
قصيدة كتبها الشاعر حسن الجيار
عام1997 كأنها نبؤة للثورة
( مصر هتفضل )
مصر حتفضل طول العمر رمز العزة ورمز الطهر
مصر الدين والفكر الحر مش تقييد وادين فى حديد
مصر حتفضل بالتأكيد نبع حضارة ومجد تليد
مصر حتفضل فوق الكل مصر حتفضل شمس تقييد
مصر اصيلة بشعب اصيل مصر اطبة وعولمة كتير
مش بهوات لابسين طراطير ولا رقاصة ف لبس حقير
ولا بتاجر فى المنكير ولا بترقص كل ولادها على اصوات مشروخة كتير
ولا مزيكا ورمبا وسيكا شغل اونطة بتاع بلوتيكا
مصر حتفضل شمس ونيل ارض عافية بتزرع خير
مصر عصارى وساقية وتوتة مصر ربابة وكام حدوتة
مش دلوعة بترقص سامبا وبتعلنلك عن ايوه
او غنيوة بالف مغنى بيبيعوها وبيبيعوه
امتى حنصحى امتى ياهوه نرفض طعم ولون ايوه
مصر النوبة وبحرى وقبلى مصر محمد مريم بلدي
مصر الريشة اللى بتكتبلى عهد الوحدة لبنتي وابني
مصر حمامة وارغول بلدى مصر الريف والسمنة البلدي
مصر جمال حمدان ببراعة مش تجار وسماسرة باعة
ولاتجار للسم الهارى أو كنتاكى او كنجاري
مصر زقاق بيلازم حارة مصر صنايعى كله شطارة
أو فلاح بيفلح ارضة أو صياد وياه سنارة
مصر القلة اللى بتسقيك مصر البيت اللبيقويك
مصر الفجر وصوت الديك اللى بينده ويصحيك
علشان يعلن ليه وليك مصر حتنهض بيه وبيك
مصر حتنهض بيه وبيك
0 التعليقات
إرسال تعليق