"يا أمى" شعر مصطفى تمساح

"يا أمى"

 شعر مصطفى تمساح

 

 

 

يا أمـى

يا أغلى من روحى

يا مكتفة الترحال..

يا كوكب الطيبة

والحضن فى الموال

ياعاجنة فى خبيزك

قلبى والتوهة

مكروهة أنفاسى

لو أنسى كفينك

ساعة ما أنام ترسم

طبطبة فى روحى

تطبب الأوجاع

بلمسة من إيديك..

أصير كيان تانى

يا شراعى فى النوه

م الهوا صينانى

ياجنة من حنة

والقلب ربانى

من دعوة تتعملق

فوق السما ضلة تطرح غيطان خضرا

فى القلب..يا أمـــــى

-----------------

نشر في موقع بوابة فيتو