يا قلبى شايل ف الضلوع
شعر : محمد حامد
احزان وطن
ومدينه غرقانه
على شط الوجع
يا جرح جوايا عميق
ومضيق بيوسع ف الحشا
شايل دماك
معرفش ليه
عايشه سماك
من غير قمر
حتى السمر
مبقاش يفيد
يا دمعه فى ليلى العنيد
اتزحزحى واتمرجحى
على عود فَرَح
لسه البلح ع النخل مر
يا عذرا متهزيش جذوع
لسه الفروع
فوقها دموع
شايله ألم
يا نسر ليه جوه العلم
قاعد حزين
بكره السنين تطرح امل
لما الوطن يلبس
جديد
0 التعليقات
إرسال تعليق